Cienījamie lasītāji!
Klajā nācis kārtējais, jau deviņpadsmitais, almanahs “Rēzekne” — grāmata, ko jūs visi gaidāt ar interesi, jo paši esat tās veidotāji un lasītāji.
Stefans Cveigs savulaik rakstīja: “Kurš gan zinātu par Perikla patriotisko runu, ja Tukidīds neuzrakstītu par to…”
Arī mēs šajos krājumos stāstām par savu dzīvi, saviem priekiem un bēdām, rūpēm un uztraukumiem, mīlestību un cerībām uz Debesu aizbildniecību…
Rīt, 9. septembrī, varēsiet iepazīties ar jauno krājumu. Gaidām jūs Rēzeknes novada domes zālē plkst. 14.00.
Šodien piedāvājam nelielu ieskatu jaunajā almanahā.
Olga ORSA
Rudiņs
Rudiņs vēji stypri šņōc,
Vysu slyktū prūjom dzan;
Tikai saules krōsā lopas
Prīcynoj pi kotras sātas.
Mōrteņrūzes dōrzā zīd,
Rōzā krōsa vysur mirdz,
Gladiolas boltim zīdim
Atvodās nu syltim reitim.
Dreiži soltas naktis byus,
Nūsaļs skaistais greznojums.
Gaideisim mes pyrmū snīgu
Tai kai lōči zīmas mīgu.
Skaists un breineigs rudiņs ir,
Pōrpiļneiba vysur ir.
Gaideisim jū cytu godu
Atnōkam vēļ bogōtōku.
Emīlija ASTIČE
Par Latviju, par Latgolu
Pi karūga es stōvēšu
Par Latgolu, par Latviju.
Mōras zemi sorgōšu,
Dzeju, dzīsmes dzīdōšu.
Pi Mōras es sveceiti aizdegšu,
Zīdus jai nūlikšu,
Iz bazneicu aizīšu,
Par Latviju, par Latgolu aizlyugšu.
Kristīne BELINSKA
Lakateņš
Padūd lakateņu, mōt!
Kur tys šudiņ nūglobōts?
Sasīņ mozglus cīši, cīši,
Īšu, nu jō pasorgōts.
Apskauņ mani
rūkom syltom,
Tai kai tikai tu tū mōki,
Lai tod vōrdi pōri lyupom
Plyust kai yudiņi skaidrōkī.
Maņ taipat kai bārnu dīnōs
Palikt sātā grybātūs,
Itamā vītā zvaigznes slīnās
Tymsūs nakšu dabasūs.
Ite vīnmār zeme runoj,
Dvēseleite mīrā sleikst,
Un pōr munom bosom kōjom
Rospūdeņi nūsaleikst.
Kur tovs lakateņš ir, mōt,
Tys, ar sōrtom rūžeņom?
Sasīņ mozgus cīši, cīši
Syltom, maigom rūceņom!
Biruta IRBE
Ave, Marija!
Uz Tevi saucam mes,
Kod asam gryuteibōs.
Gūdynojam aiz laimes
Sovōs nīka prīceibōs.
Zīma voi vosora,
Prīks voi kreit osora,
Par myusim pi Dāla sova
Tu aizlyudz bez gola.
Ave, Marija! Ave, Marija!
Mes eimom Dīvmōti sveikt,
Slavēt, gūdynōt un teikt:
Ave, Marija! Ave, Marija!
Pīters MEIKSTUMS
* * *
Rokstu!
Interneta laikmetā
Veiskupa Stroda raksteibā
ar spolvu!
Lai mani apsmej un nycynoj,
bet par tū asmu gotovs
nūlikt golvu!
Pyrms daudzim godim
šei raksteiba
vacā babeņas pōtornīkā
maņ atklōja Dīvu.
Tamā drukōtū vacū
“lementaru” vuicūtīs,
par katōli klivu.
Bet jaunō ortografeja,
tei ar U un O,
jauc viņ, maņ naizsokūt nikUO.
Meilī tautīši!
Laiks beidzūt dūmōt
un pakaušus kaseit.
Šausmas!!!
Cik daudzi latgalīšu vairs naprūt
sovā dzymtajā volūdā
raksteit un laseit.
Šudiņ Trasuns saceitu:
“Asam jau pi gola!
Lai glōbt kū, jōreformej navys
raksteiba,
bet Latgolas ŠKOLA!”
Leonards RAKICKIS
* * *
Pīmiņ, brōļ,
Pīmiņ, mōs,
Tev ūtras dzimtines nabyus!
Pīmiņ sovas saknes,
Latgaļu saknes!
Jōs breiveibas pylnas
Laiž stumbru.
Voldemārs VOGULS
Komentāri