Konferences nūslāgumā pēkšņi izcēlēs oss streids storp kinorežisoru Jōni Streiču un RTA profesori Ilgu Šuplinsku. Streida īmasls beja I. Šuplinskas stōsteitais, ka RTA veidoj izgleitojūšu izdavumu “Gostūs pi Boņuka”. Byuteibā tys beja streids gon par autortīseibom, gon par latgalīšu volūdas raksteibu: nivīnam nav nūslāpums, ka Stroda gramatikas un jaunōs latgalīšu gramatikas pīkritēju storpā teik lauzti škāpi.
J. Streičs: “Maņ ir jautōjums. Maņ pyrmō dzērdēšona par Boņuku. Vai maņ ir kaut kaidas tīseibas uz tū, kū radēju? Filmai ir Boņuks. Tu esi Boņs. Maņ runoj latgalīšu volūdā, Klīdzējam runoj cytā volūdā. Ar mani taču vajadzēja saskaņōt, vajag informēt. Tōs ir autortīseibas. Es jau ziņōju vinim.”
I. Šuplinska:
“Par kū jyus dūmojat?”
J. Streičs: “Par tū, ka jyus izmontojat Boņuku kai tālu kaidai cytai interpretacijai… vysmoz vajadzēja informēt.”
I. Šuplinska:
“Tei ir izgleitōjūšim nūlyukim…”
J. Streičs: “Bet vajadzēja paziņōt kaut vai… pajautōt… narunōt “gostūs”. Boņuks nalītoj “gostūs”. Es sovā volūdā asmu pretim vysim…”
I. Šuplinska:
“Tys ir pilneigi cyts dorbs. Es naizmontoju ni literarō, ni mōkslas dorba materialu…”
J. Streičs:
“Var jau ari tai pasaceit, bet mes zynom, ka tai nav.”
I. Šuplinska:
“Bet tai ira…”
J. Streičs: “Zynom, ka tai nav. Es tyuleit autortīseibōs grīzšūs… Runōšu par tū…”
I. Šuplinska:
“Tys ir īspējams izmontōt…”
J. Streičs: “Īspējams! Bet vajag saskaņōt! Vajag pīklōjeigim byut. Navajag krūpļōt volūdu, par kū jyus īsastōjatēs poši.
Jau pītyka ar tū, ka izmontōja “Boņuka” bolvu… Labi, pacīšu, nagribēju, lai Latgalē skandalej. Vēļ lela nakauneiba maņ pīdōvōt bolvu par kaut kaidu īguļdējumu…”
Protesteju… tys ir kai nūzūg Žiku (filmas “Cylvāka bārns” golvonō varūņa Boņuka draugs — suneits Žiks. Aut.), uztaisa konservus i īdūd Boņukam… Lyudzu, izbeidzit tū — kaut kur mani pīminēt ar šū bolvu sakarā, kaut kaida atzineiba i tai tōļōk… Maņ konservu nu Žika gaļas navajag. Saprūtit beidzūt… Navajag, paļdis. Bet, lyudzu, šitei ir lela napīklōjeiba… kai tūreiz nu jyusu puses nikō napasoka… Es beju tik sašauts… ..mani izvirza kai kandidatu… (Goda bolvas “Boņuks 2011” nominacijā “Goda cylvāks” beja izvirzeits ari Jōņs Streičs. Aut.) Tys lels aizvainōjums beja… Taipat kai tagad. Tai ka lyudzu vysmoz tekstus saskaņojit… Na “gostūs”, a “cīmūs” īt…”
Streidu pōrtrauce kulturas ministre
Dace
Melbārde
, saceidama:
“Man kā čivlim ir priekšlikums sanākt kopā latgaliešiem un izstrīdēties par tiem valodas jautājumiem. Saprotu, ka tie virzieni dažādi, bet, galvenais, būtu dikti labi, ja izstrīdētos līdz piemineklim, jo būtu diezgan traki, ja brīnišķīgos svētkus — pieminekļa atklāšanu aptumšotu emocionālas diskusijas par vārdiem un garumzīmēm. Tā ka lūdzu izdariet to līdz svētkiem. Un tāpat dzirdu, ka Streiča kungs jau kuro reizi satraucas par savām autortiesībām. Man liekas, vienreiz vajag sanākt kopā pie vienas šmakovkas un to arī izrunāt.”
Aija ZUJA
Komentāri