Ceceit, dōrgiņkō! Tu vaicoj, kai nazynōdama! Dēļ kō tikai puse par pošvaļdi bolsōja? Myužeigs skaistums!
Daudzi tak — zarabotkūs svešōs zemēs, viņ skaitōs Rāznē, jūs kvaterom jau seņ tymsi lūgi; vīnim vītejīm — pofigs, cereibas zudušs; citim — lela baiļa i nu sorkonīm, i nu boltīm, cīši jau sociki i naciki tautu pa radeju bīdēja; citim — baist nu tymsas i nu bedru, taidu kai itamā biļdē.
Vēlēšonu dīnā munā ceļā vīna taida trōpējōs. Labi, ka okuleri beja iz daguna. Īmešu aci, paļdis Dīvam, vēļ nabeja nivīns tamā ticis. A kas jūs tī vokorā skaitēja? Taids, kurs čaravnīkim tic, moš aizrōpōja atpakaļ iz sātu, itaidu bīdāklu ceļā īraudzējs. Kaidam moš i “glōbējs” ar eurikim (deļ pokmeļa) paleidzēja nu bedres ōrā tikt, da agitpunkta darōpōt i “vajadzeigū” beletu urnā īmest..
Taidi tī 47 procenti i taida tei vizeja, muna dōrgiņkō!
Tova Plōciņu Mase
P.S. Kod vadzeits byus pylns, tod lyuzs, — soka Zose.
Pl. M.
A. G. foto
Komentāri