Grōmotas pylnais nūsaukums “Latgalieša CV no senlaikiem līdz 21. gadsimtam”. Iznōkuse Rēzeknē 2015. godā. Tys nikas, ka tikai tagad tyku klōt. Izvērtēt nikod nav par vālu. Īpaši tagad, kod Latgolas kongresam paīt 100 gadi.
Grōmotā ir 12 nūdaļas.
Nūdaļa “Pamatdati” 5. lpp. Citeju “Pastāv uzskats, ka latgaļi sākumā dzīvoja… Baltkrievijas ziemeļos…” Sovulaik “Lauku Avīzē” beja raksteits, ka Garlība Merķeļa “Latviešus” 1797. godā laseja Braslavas zemnīki.
1993. goda avīzē “Mōras Zeme” beja fakts, ka tagadejā Verhņedvinskā voi tūreizejā Drisā dzeivōja 75% latgalīšu, kuru syuteitōs delegacijas praseibu pīvīnōt Latvijai Satversmes Sapuļce strupi nūraideja. 1990. goda avīzē “Mōras Zeme” un 2006. goda “Tāvu zemes kalendarā” publicētajā kartē īraudzēju, ka Boltkrīvijas piļsāta Disna ir bejuse Dzīsna. Citur izlaseju, ka Polocka beja Palōte.
Itō CV 5. lpp. apakšā raksteits: “Latgaļu teritorijas austrumu robeža bija Veļikajas upe.” 2009. goda Latvijas autoceļu atlantā ir ūtrs, teiri latvysks nūsaukums — Mudava. Taitod dzeivōja ari austrumu krostā.
2006. goda “Tāvu zemes kalendarā” lasēju par Novgorodu, kuras pusē tyka Krīvijas pakļauteibā paturāts nūvods Letigola. Tys nūtyka Aleksandra Ņevska karagōjīņu laikā.
Kas meklej, tys atrūn. Īpaši pādejūs godūs, asmu uzmeklējis taidu zynōtnisku informaciju, kas pīrōda, ka latgalīši kai ciļts izaveidōjuse ar sovu vōlūdu nu pasaulē senejōkōs zynomōs volūdas —
sanskrita. Ari myusdīnōs daudzi latgaliskī vōrdi ir kai sanskritā. Par tū roksta Ilmārs Silkāns “Rēzeknes Vēstīs”.
Nūdaļā “Valoda”, 22. lpp. losom: “Pītera Stroda vadībā iesāktā latgaliešu valodas reforma (20. gs. 30. g.) zināmā mērā tika turpināta un pabeigta 2007. g., kad tika apstiprināti jaunie latgaliešu rakstības noteikumi.”
Bez tautas nūbolsōšonas, bez Katōļu Bazneicas leidzdaleibas. Ari nauzklausūt tūs latvīšu dūmas, kuri dzeivoj cytūs nūvodūs, jo šis “uo” ari tī īvozōts. 24.lpp. — piemēri: uoga, uola, suols utt.
Asmu apskatejis tū, kū es zynu ļūti labi. Bet tagad dūmojit, cik patīseibas ir cytōs itō “Latgalīša CV” lopaspusēs.
Pīters MEIKSTUMS
Komentāri