Vasala, Plōciņu Maseit!
Kod satyku Pļapatunu Donetu, jys tyuleņ saceja, lai es uzmaneigi klausūtīs, sovaižōk nikō napasaceis, kod muni jautōjumi sōks bērt. Es jam tū apsūlēju, un, lyuk, kū jys maņ pasaceja: “Tu labi zini, ka točkas nav īspējams likvidēt. Nu tod vajag jōs registrēt kai mozūs ražōtōjus. Lai moksoj nūdūkļus. Lai pērk kases aparatus un izdūd čekus. Tod nu dzārōjim varēs jimt tikai naudu. Čekā un deklaracejā, skaitļu ailē naraksteis: “pōrdevu par jaunu zōboku pōri”. Tod, kai pasarōdeis syudzeibas nu cylvākim, varēs īsarastīs preces lobuma nūteikšonas darbinīki un izlikt strōpi voi līgt pordūd preci, koleņc nav nūvārsuši pōrkōpumus. Myužeigs skaistums! Cik nūdūkļu byus vaļstei un cik līka dorba ōrstim aiztaupeis.
Vēļ grybu pasaceit, lai gimines ōrsti streikoj, koleņc vaļdeiba naizpiļdeis jūs praseibas. Es asu par!”
“Es taipat!” ar tū myusu saruna beidzēs.
Pļōpu Pīters
Komentāri