Jau izgōjis literaturas almanaha “Olūts” 20. laidīņs. Tagad vajadzātu dūmōt par rokstim, kas varātu byut publicēti “Olūta” 21. laidīnī, jo šōs grōmotas izdevējdarbeibas projekts jōīsnādz Vaļsts Kulturkapitala fonda projektu konkursam 2016. goda janvara sōkumā. Šamōs dīnōs izgōjuse ari kulturvēsturiska un literara godagrōmota “Tāvu zemes kalendars 2016”. Tys ir šō kalendara 77. godagōjums. Grōmotas apjūms — 360 lopaspuses. Nōkamō kalendara autorim byutu jōpadūmoj par rokstim, kas tiks publicēti 2017. goda izdavumā, jo tyvojās vēsturiskō Latgolas latvīšu kongresa symtgade. Tōpēc varātu byut roksti par kongresa daleibnīkim. Lels lyugums autorim sōkt agrōk raksteit, lai varātu labi un sovlaiceigi sagatavōt un izdūt šūs divus regularūs izdavumus Latgolas latvīšu izlūksnē.
Jōņs EĻKSNIS,
LKC izdevnīceibas vadeitōjs
Komentāri