Vasala, Plōciņu Maseit!
Mes visi bejom cīši prīceigi, ka atbiļdēji uz īprīkšejū vēstuli. Tagad maņ pošam jōizsoka, kas nu muna “kaptura” īt ōrā.
Vīnu vokoru televizerī pastōsteja lelu breinumu. Tikai tagad Eiropas deputati pasamūdās. Cikom cylvāki vysus īprīkšejūs godus beja pret stuņdinīku grūzeišonu, jī gulēja. Tikai tagad īraudzeja, ka cylvāki ir pret zīmas un vosoras laika pastōvēšonu.
Tagad Eiropas deputati sōkuši kazin cik nedeļu voi mēnešu apsprīsšonu, kai dareit. Kai zini, jōtaisa vysaidi pētējumi. Cik tys kaiteigi veseleibai? Uz kuru laiku pōrīt? Dyžan lela problema. Jau ilgi jī tū pētej.
Vyslobōkais byutu saules jeb vītejais laiks. Ni par kū navajadzātu dūmōt. Bārni pa tymsu iz skūlu naītu, vyss byutu labi. Vīnkōrši lykumā jōīroksta, kurā saules voi vītejō laika stuņdē atsarūn lelōkō vaļsts teritorijas daļa, tys palīk spākā.
Vītejū laiku to byutu jōregulej tī, kur dzeivoj. Tikai jōsarēkinoj, cik laika byus Zylupē voi Ventspilī, jo tev tī kas jōsazvona, lai naiztraucātu nu mīga. Jim to byutu sovaidōks saules voi vītejais laiks.
Cikom cylvāki aprostu ar vysas Latvijas vītejīm laikim, na vīns gods proītu. Kū deputati dareitu? Kū grybātu. Nivīns jūs natraucētu. Visi vaļsts īdzeivōtōji byutu nūdarbynōti ar vysaidu vītu vītejū laiku. Cyti pēc tabulom vārtūs. Minutes atskaiteitu voi pīskaiteitu. Ari sekundes. Cyti stuņdinīkus grūzeitu. Ari taidi atsarostu. Par tū, ka na visi protestēja.
Vēļ kas. Kūrzemes rītumi pēc saules jeb vītejō laika atsarūn cytā jūslā. Tai ka Latvija byutu jodola divōs jūslōs. Oi, cik dorba byutu deputatim!
Kō vairōk vajag?
PĻŌPU Pīters
Komentāri