Vasala, Plōciņu Maseit! Mes ar Pļapatunu Donetu tev un vysom avīzeites biteitem vēlejam Dīveņa tyvumu ik sūlī. Lai loba veseleiba teik dūta un vyss, kū dorat, lai izīt naparosti mudri un labi. Lai dorba prīks līk īt vēļ mudrōk iz prīšku. Tū pošu vēlejam visim, kuri losa, kuri pat nazyna, ka ir taida avīze. Byus īmasls izzynōt. Donets ītū reizi īsōce runōt par daudz kū. Iz vysom pusem, un tys nūtyka tai: “Sōkumā grybu pasaceit šū tū par nalobajom ziņom, kū līk sōkumā vīns ūtrs masu informacijas leidzeklis. Jo tys nabyutu tik svareigi, lai vyss nalobais maun vērspusē, cylvāki nasainteresētūs. Tai saīt, ka cylvākus bīži vīn vairōk interesej avarijas, guņsgrāki, cik kuram deputatam bīzs moks, navys tys, kai jī poši dzeivōs tōļōk. Navys kaidus lykumus kas pījēmis, kai lykumi īsadorbōsīs iz dzeivi. Dēļ tō teik taidi vaļsts vadeitōji īvālāti, kurus interesej tys pats, kas lelu tautas daļu. Navys problemu rysynōt, a kas tī taids nūteik. Pastōsti smolkōk. Tod kū vēļ gryby saceit. Kai jūku pagōjušajā vosorā varēja laseit par īpašōs vīneibas “Alfa” ībrukumu sīvītes kanepu lauceņā. Smīkls i bāda. Ka itai napōrbaudeis zvonus, var nūtikt na tikai kuriozi, bet ari nalaimes. Kū tik nadzērdēsi. Jau itō goda sōkumā atsaklōja, ka, īspējams, pat internetā tērgōtas Latvijas armijas nakts redzameibas īreices. Tai izaver, ka naasam uzjimti NATO.” Te mes ar Donetu beidzem runōt. Pareizōk sokūt, jys tū beidze dareit. Taisneiba vīn jam ir. Cylvāki lobprōt losa dzaltonū presi. Pareizōk sokūt, tū, kas (kai reizi reklamēja) roksta, kas guļ naktskraklā, kas — bez tō. Nu kaidus deputatus taidi spātu īvēlēt, jo kļyudās jau tī, kurus interesej tōs partiju teirōs un nateirōs darbeibas.
PĻŌPU Pīters
2019. goda 8. janvarī
Komentāri