Muni dōrgiņkī! “Rēzeknes Vēstim” šūgod jubilejs!
1944. goda 4. augustā, dzeļža cymdu laikūs, “Pa Staļina Ceļu” īt sōkuse, car pučem pareizōs ziņas nasuse; par “Ausmu” pōrtapuse; pēčōk “Dorba Karūgu” pacāluse un golsgolā “Rēzeknes Vēstis” kotrā sātā nest sōkuse; pyrms 25 godim Plōciņu Masei pīdzimt ļōvuse: 1994. goda 20. septembrī pyrmū munu vēstuli iz Kaliporneju īspīduse.
Lels paļdis itai avīzei par prīceigōm un naprīceigōm ziņom. Bez “Rēzeknes Vēstim” kai bez rūkom daudzi ir palykuši i var palikt. Gudreibas beņčim tōs mozōs avīzes kai dodzs acī, pynās pa kōjom, gaisu jauc, patīseibu stōsta; roksta tū, kas jim napateik. Lels paļdis itai avīzei par tīm 25 x 3 godim!
Lai “Rēzeknes Vēstim” saules myužs, a visiņkim raksteitōjim, baksteitōjim, “RV-uškeņas” strōdnīcenim un laseitōjim loba veseleiba i euriki turīs!
Plōciņu Mase
2019. goda 4. augustā
Komentāri