Vasala, Plōciņu Maseit!
Itū reizi es jūkōdams Pļapatunu Donetam aizrōdēju, kod jys gribēja paceļt ceļmolā nūmastu buteli: “Donet, tu naesi ni Lītovā, ni Igaunijā, kur var tik naetiski reikōtīs. Latvijā ir taidi dobai draudzeigi dūmojūši cylvāki, kurim ar pīklōjeibas leimeni ir vyss kōrteibā. Tys nasmuki izaverās, ka losa butelis.”
Donets saceja: “Jā, Pīter, es ari itū dzērdēju. Nu tod vuicēsim cylvākim jaunōs pīklōjeibas normas. Vysupyrms vajag atceļt pavasara tolkas. Cik tī cylvāki napīklōjeigi reikojās. Tys ir naetiski. Tōļōk. Lai napalyktu par Cyukmenu, tys ir, dobas pīmāslōtōju, vajag nu tīņis, kur ēdi breivā dobā, vysu aizļidynōt kur pasagodās. Nivīns napasaceis, kur ēdi. Lai citi naetiski nazareikoj, koč tamōs pošōs tolkōs stykla traukus jōsadauza. Tikai na tyvu tai vītai, kur ēdi!”
Es Donetam saceju: “Jaunīm cylvākim nabyus problemu ar stykla taras dauzeišonu. Byus taids kai sprodzīņa efekts. Varēs internetā ar video pazadaļeit.”
Nu kū, Plōciņu Maseit! Cyti laiki. Cyti tykumi.
Pļōpu Pīters
Komentāri