Vasala, Plōciņu Maseit!
Myusim ar Pļapatunu Donetu vysu laiku atsarūn kū saceit. Jam vaicōju, kū mes darētu, ja politikā un pošūs cylvākūs pa laikam nanūtyktu kas naparosts.
Donets saceja: “Jā, Pīter. Ka tai padūmoj, tod nūteik taidas klopotas, ka smīkli un bāda. Smīkls par tū, ka lobōk gribēja, bet sagōja kai vysod. Bet bāda, ka tī tyka īguļdeita tautas naudeņa, kas iztvaikōja iz naatsagrīzšonūs. Par kū tik nav runōts… Vysu napōrskaitēsi. Tamā politikā gon naīt vīgli, cīši gryuts dorbs. Tauta tū saprūt, vēlej taidus deputatus, uz kurim tai kai var nadaudz pasaļautīs, kuri ir vairōk pazeistami. Kai byus, tai byus, bet pavysam grōvī naībrauks. Demokratija sasaglobōs.”
Tod Donets vēļ pībylda: “Pīter, tu dūmoj, ka politikā vyss ir tik vīnkōrši? Kōrtejō kļyuda!”
Es atbiļdēju Donetam: “Kōrtejō, tod kōrtejō. Bet jōcīš visim. Uzcēle taidu lidūstu, a tagad nu tōs Latvijā īceļōja koronavīruss. Laikam dēļ tō taida beja vajadzeiga.”
Donets saceja otkon: “Tu dūmoj, ka tik vīnkōrši Latvijā beja vīrusu īlaist? Kōrtejō kļyuda!”
Tai myusu saruna beidzēs.
Palīc vasala, Plōciņu Maseit!
Pļōpu Pīters
Komentāri