Latgolas latwišu kongresa 26. — 27. aprili 1917. goda spridumi
1. Mes, Latgolas latwiši pylnwarniki, sasapulcejuši 26. — 27. aprili Rēzeknē sasauktā kongresā, atzeidami latwišus, kuri dzeiwoj Witebskas gubernē, tai ari kurzemnikus un widzemnikus par winu latwišu tautu, nuspridem apsawinot ar Kurzemes un Wydzemes latwišim winā politiskā autonomā tautas organizmā Kriwijas Walsti. 2. Mes, Latgolas latwiši, apsawinodami ar Kurzemes un Wydzemes latwišim, paturēsim sowu pašwaldibu, pylnu tisibu pašnuteikšonas woludas, ticibas, baznicas, skolu un saimestibas, kai ari zemes jautojumā, boznicas dorišonos piwinojut pi Latgolas ari Kurzemes un Wydzemes katolius. 3. Mes, Latgolas latwiši, wyskorstoki welejamis paturēt wysloboku sadaribu ar cyttautišim: kriwim, polim, žeidim un cytim, Latgolas rubežūs; paši makladami breiwibu sowai tautai, mes atzeistam, afstojam un pabalstisim cyttautišu breiwibas wysos ju tautyskos darišonos: ticibas, woludas, skolu istožu un cytōs tautyskōs litos. 4. Welešonas wysos pašwaldibas istodēs nuteik uz wisporiga, winleidziga, taisna, aizklota un proporcionāla pamata. 5. Mes, Latgolas latwiši, izweledami sowu Pagaidu Zemes Padumi, uztycam Padumei stotis sakarā ar cyttautišu izwalatom Padumem un izstrodot kupigus sadzeiwes pamatus. 6. Latgolas Pagaidu Zemes Padumei wajaga it sakarā ar Wydzemes un Kurzemes Zemes Padumem del Latwijas autonomijas aizstowešonas un izwesšonas dzeiwē; rvupetis par Latgolas atškeršonu nu Witebskas gubernes. 7. Sapulce atzeist par napicišamu zemniku sawinibas nudybynošonu Latgolā un izteic welešonus, lai Pagaidu Zemes Padume nu sowas puses weicynotu taidu nudybynošonu. 8. Sapulce nuspride izwelet Latgolas Pagaidu Zemes Padumi, Padumes lucekliu skaitu nuteic 60, nu tim latwišu — 36, kriwu — 12, žeidi — 8, poli — 3, cytu tautu — 1 (proporcionoli idzeiwotoju skaitam Latgolā).
(Pēc Latgales Pagaidu zemes padomes ziņojuma Nr. 1. 1917. gada 15. maijā, kas pārpublicēts žurnālā “Sējējs”, 1936. Nr. 6)
Komentāri