Kaida laime, ka taids almanahs ir. Cytaidi mes pat nazynōtu, kaidi breineigi cylvāki ar dzejnīka vai rakstnīka talantu dzeivoj tepat myusim blokus. Almanahā laseitōjs sasatiksīs ar jau zynomim un ari mozōk pazeistamim autorim: Ivetu Dimzuli, Leontīni Apšenieci, Romonu Spaitānu, Jūliju Tropu, Rūdolfu Linužu, Magdalenu Vjateri, Leonardu Rakicki, Voldemāru Vogulu, Helēnu Kulincāni, Jōni Silkānu (ar dzejiskim stōstim nu kūku, vēžu, zvērbuļu, lōču, kolnu, leju, vacūs rogovu un cytu naparostu personažu dzeives). Prīks, ka “Olūta” straumi atver “Rēzeknes Vēstu” pastōveigō un ražeigō korespondente Iveta Dimzule ar stōstim nu dzeives; kai vīnmār, bārnu dvēselēs protuse īsaskateit Leontīne Apšeniece; jau nūbrīdušu dzejnīku filozofiju pōrdūmas rūdamas Ilzes Keišas dzejā. Daudzim prīcu sagōdōs tikšonōs ar filozofisku un pōrdūmom bogōtu Jura Vidiņa dorbu “Doba ap mums un īkš mums”. Vysus almanaha autorus navar uzskaiteit. Bet golvoju – laseišona snīgs jyusu dvēselei un prōtam prīku un vīlu pōrdūmom par dzeivi. Almanahs “Olūts” nūpērkams bazneicu grōmotu goldūs un kioskūs. Byus ari vysōs Latgolas bibliotekōs (izdevnīceibas dōvynōjums).
Māra NIZINSKA
Komentāri