Pyrmōs ziņas par tū, ka Advents ir kai sagatavōšonōs pūsms pyrms Kristus dzimšonas svātkim, nōk nu 4. godsymta, bet Romā šei tradicija ir nu 6. godsymta. Par byutisku Adventa sastōvdaļu kūpš 19. godsymta kliva Adventa vainags un sveces. Vainags simbolizej myužeibu un vīnōteibu, bet zalī zori ir kai cereibas simbols gaismas uzvarai pōr tymsu. Advents ilgst četras nedeļas pyrms Zīmassvātkim, un kotru svātdīnu teik aizdagta svece Adventa vainagā. Tom ir sova nūzeime. Pyrmō aizdagtō svece simbolizej cereibu, ūtrō – mīru, trešō – prīku un catūrtō – mīlesteibu. Svēteigu mums visim šū Adventa laiku! Lai mīrpylns Zīmassvātku gaideišonas laiks!
Eduarda UTĀNA foto
Komentāri