Vyspyrms Desetnīku kopūs pi Jurciņa kopa nūtyka pīmiņas breidis, tod Nautrānu sporta hallē-kulturas nomā sekōja koncerts. Veiru koris “Graidi” izpiļdēja pōsokaini skaistas dzīsmes ar Pītera Jurciņa vōrdim. Paļdis dirigentam Jōņam Mežinskim! Ari Sovvaļnīks dzīdōja. Taipat Pīterdīnā tyka gūdynōti pogosta Pīteri ar ūzulvainagim. Koncerta laikā tyka apbolvōti ari literarō konkursa uzvarātōji. Šūgod konkursa moto beja Pītera Jurciņa vōrdi “Var tymsā pakrist redzeigais, bet naredzeigais – gaismā pōrtapt”. Kai saceja kulturas pasōkumu organizātōja Inga Vigule, tod šūgod dorbi tyka īsyuteiti ļūti ōtri, tikleidz beja izsludynōts konkurss. Pavysam – 14 dorbu.
Nominacijā “Dzeja”
Atzineibas rokstu un 50 eiro sajēme
Ilze Vovka
(Aulejas kulturas pasōkumu organizatore) un
Brigita Birkova
(studente);
nominacijā “Bārnu literatura”
Atzineibas rokstu un 50 eiro sajēme
Aelita Andrejeva
(Rēzeknes 5. vydusskūlas skūlōtōja), jei laurus plyuce ari nominacijā “Latgaliskōs vērteibas”;
nominacijā “Proza” – Klaudija Dembovska
(Rēzeknes Katōļu vydusskūlas 11. kl. skūlneica). Rykovas jaunūs literatu kūpa “Dzejas garša” (vadeitōja, skūlōtōja Iveta Dimzule) sajēme veicynōšonas bolvu – veikala “Alba” 100 eiro dōvonu karti.
Pateiceibas rokstu
par pīsadaleišonūs sajēme
Maruta Avramčenko, Sofija Teicane, Iveta Dimzule.
Šūgod literarō konkursa dorbu vērteišonas komisijā pīsadalējōs skūlōtōja Veronika Dundure, politike, literaturzynōtneica Ilga Šuplinska, dzejneica, dramaturge Anna Rancāne. Pasōkumu finansiali atbaļstēja Vaļsts Kulturkapitala fonds, a/s “Latvijas Valsts meži” un Latgolas kulturas programma.
Arvīds GĻAUDA
AUTORA foto
Komentāri