Konkursa mērkis ir aplīcynōt pīdareibu un mīlesteibu dzymtajam nūvodam un styprynōt latgaliskū kulturidentitati. Daleibnīki aicynōti leidz 6. apreļam īsnēgt sovu radūšū dorbu – pošsacarātu pōsoku latvīšu vai latgalīšu volūdā (latgaliski raksteitajam pareizraksteiba natiks vērteita) voi zeimējumu (voi obus radūšūs dorbus) par temu “I tō jī dzeivōja zyli, zali un ēda kōpustus ar gali”. Konkursa īdvesmas olūts ir Ontona Slišāna pōsokas, kuras pēc atmiņu stōstim pīrakstejuse Mārīte Slišāne
https://www.upite.lv/puosakas
. Kotrs daleibnīks var īsnēgt naīrūbežōtu skaitu sovu dorbu. Visi īsnāgtī dorbi paliks Ontona Slišāna Upītes Kulturvēstures muzeja krōjumūs. Dorbus var syuteit pa postu ar nūrōdi “Radūšūs dorbu konkurss”, Namaterialō kulturas montōjuma centrs “Upīte”, Akas laukums 1, Upīte, Škilbānu pogosts, Bolvu nūvods, LV-4587. Pōsokas var syuteit ari uz e-postu:
. Dorbus var syuteit, ari izmontojūt Omniva, DPD voi Venipak pakolpōjumu, nūrōdūt sajimšonas vītu – Bolvu piļsāta un sajēmējs –
Andris Slišāns (mob. tel. 29621058).
Pōsokas leidz pīcu godu vacumam var īsnēgt rūkrokstā (puslopa A4 formata lopas), 6–9 godi (ari rūkrokstā, vīna A4 formata lopa), 10–12 godi (datorrokstā, vīna A4 formata lopa), 13–15 godi (datorrokstā, divas A4 formata lopas), 16–18 godi (datorrokstā, trejs A4 formata lopas), pīaugušī 19+ (datorrokstā, vairōk kai trejs A4 formata lopas). Zeimējumu dorbu formats ir A3 lopa gleznīceibas (guaša, akvereli, eļļas kreiteni) tehnikā. Daleibnīki ari tiks vērteiti pa vacuma grupom, sōkūt nu pīcim godim leidz pīaugušajim. Radūšajam dorbam jōpīvīnoj ziņas par daleibnīku (vōrds, uzvōrds, vacums, mōceibu īstōde voi nūsadorbōšonōs, skūlōtōja/konsultanta vōrds, uzvōrds, kontakttelefons, e-posts, dorba nūsaukums). Šōs ziņas ari kai pīteikums obligati jōaizsyuta uz e-postu:
(ja pīteikums nabyus īsnāgts elektroniski, dorbs natiks vērteits). Nūslāguma pasōkums un uzvarātōju apbalvōšona nūtiks 16. majā Upītē. Naskaidreibu gadejumā var zvaneit vai raksteit Whatsapp
pa telefonu 29621058 (Andris Slišāns) vai 29868786 (Ligita Spridzāne)
vai rokstūt uz e-postu:
.
Komentāri