Grōmotas īvodā mōkslas zynōtneica Evija Vasilevska īpazeistynoj vysus ar grōmotas autoru: “Leonards Vincevičs ir dzimis 1944. goda 9. martā Rēzeknes apriņka Sakstagola pogostā Vorkaļu sādžā zemnīku Bronislava un Jūlijas Vinceviču saimē. 1962. godā jys absolvējis Viļānu vydusskūlu, 1963. godā sōcis strōdōt ražōšonas apvīneibas “Latvijas keramika” Tumužu cehā kai mōceklis. Īsaukts padūmu armijā, trejs godus dīnēja PSRS Bruņōtajūs spākūs. 1967. goda novembrī īsastōjīs dorbā Rēzeknes rajona Viļānu Sadzeives pakolpōjumu kombinatā par mōkslinīku nūformētōju, bejis mōkslinīku darbneicas vadeitōjs. Divus godus (1974–1975) strōdōjis Latvijas Televizijā kai ōrštata korespondents. Kūpš 1976. goda apmeklējis Reigas Poligrafiku kluba Tautas universitates keramikas nūdarbeibas Rēzeknē mōkslas zynōtnīka Jōņa Pujāta (1925–1988) vadeibā. Latgolas keramikas studijas daleibnīks kūpš 1978. goda. 1980. godā jam pīškērts Tautas daiļomota meistara nūsaukums. 1989. godā pījimts dorbā Andreja Paulāna Tautas lītiškōs mōkslas studijā par vadeitōja vītnīku, nu 1993. goda nōkamūs 15 godus beja tōs vadeitōjs. 1978. godā sōcis īkōrtōt un stōdeit Latvijas kulturas darbinīkim veļteitu parku. Leidz šam jau īstōdeiti 120 ūzuli, lopegles, kļovas, līpas, bārzi un citi kūki. Šys izdavums ir veļteits Latgolas keramikas meistaram Leonardam Vincevičam, svynūt jō 80. dzeives jubileju, un stōsta par jō radūšū darbeibu un davumu myusdīnu Latgolas keramikas atteisteišonā un jaunradē. Grōmotas lopaspusēs ir ītvarts stōstejums par Vinceviču dzymtas saknem, Leonarda dzeives gaitom, izaugsmi un sasnāgumim Latgolas keramikas laukā, kas mejās ar attālim un poša meistara atmiņu fragmentim.”
Pilnu tekstu lasiet “RV” 12.07.2024.
Komentāri