Varbyut puskilometra attōlumā nu Dricānu bazneicas atsarūn Saukavīšu kopi, kur paglobōti ļūti daudzu dricānīšu prīkšgōjēji un radinīki. Apbedējumi te izdareiti leidz 1920. godam, kod atvārti pašreizejī Dricānu kopi. Par tū maņ stōsteja tāvs un mōte. Samārā nesenajā pogōtnē kopu tyvumā uzcalts Leivōnu tipa mōju cīmots. Dīmžāl Saukavīšu kopi aizaug ar kūkim un kryumim. Kopi nav īžūgōti. Tagad jau kopūs spīžās dažaidas saimnīceibas ākas. Jōsabreinoj, ka laukūs, kur ir daudz breivu vītu, nav atrosta cyta pīmārōtōka vīta taida cīmota ceļšonai. Napateikami, ka ir nūtykuse un turpynojās nacīneiga reiceiba pret myrušīm. Dricānu pogosta pašvaļdeibai un īdzeivōtōjim varbyut vajadzātu pasaryupēt par Saukavīšu kopu sakūpšonu un īžūgōšonu. Tam lobs pīmārs ir Cyskodu muižinīku kopi, kas pyrms vairōkim godim sakūpti. Tī paglobōti Sokolovsku un Buinicku dzymtas pīdareigī.
Jōņs EĻKSNIS,
LKC izdevnīceibas vadeitōjs
Komentāri