Vasaliņka, Ceceit! Kaids myužeigs skaistums vīnu reitu myusim ar Zosi gadejōs! Zose sagribēja vērzīni maineit. Šai apnics vāzōt pa vīnu i tū pošu ceļu. Labi. Pagrīzem iz cytu pusi, iz austrumim. Sauleitei pretim. Koč sauleites tymā reitā namanēja. Pēc leita – migleņa. Nu dabasu – nalela Dīva raseņa.
Ka tik Zoses modeļnīkā sčotčiks sūļus skaita. Dīnas normu, 10 tyukšys to vēļ ni reizes nav saskaitējs. Maņ to nu tōs steberēšonas ar divom, trejom tyukstūšom sūļu i divim trejim km tai kai gona. A spīdīņs pēc tam – kai sportsmenam. Myužeigs skaistums!
Itū reizi, agrajā reita stuņdē, pa jaunū Moskvas trasi kai pa svīstu: paneļs – kai dēļs, agrajā reita stuņdē ļauteņu – nivīna, mašiņu tikpat kai nav, dyumi nasmyrdynoj, gaiss teirs.
Da lela naradzāta, jauna i glauna gaisa tylta tykom i laidamēs pōri. Žāļ, nikur tōli natykom. Ņā, ņā, apsorgu nabeja. A kur tu tiksi, ka tei šaurō paneļa jūsleņa, kas īšonai dūmōta, kai kanova, ar yudini pylna… A myusim to ni kalošu, ni gumejnīku. Zosei kōjōs glaunas sorkonboltas krūsenis, a maņ – Puļgeņcis vacī padylušī puspalākī ščibleti. Grīzem atpakaļ sovus štokus. Cīši nabādōm. Atvāzōsim cytu reizi gumejnīkūs.
Taipoš pīci tyukši sūļu i trejs kimetri sagōja. Dēļ maņa – myužeigs skaistums!
Tova PLŌCIŅU MASE
Rāznē
2020. goda 12. oktobrī
Zoses biļde
Komentāri