Bet vyslelōkais prīks beja, kod “Boņuks” tyka pasnāgts myusu Rogovkas kulturas vadeitōjai
Ingai Vigulei.
Kai poša Inga soka: “Ir lela prīca sajimt “Boņuku”! Itei bolva ir visim, kas ar īsasaisteišonu, daleibu un atbolstu paleidzēja gūdynōt izcylu personeibu Andryvu Jūrdžu! Paļdis Annai Rancānei par breineigū scenariju, Veronikai Dundurei un Ērikai Bozovičai par režiju! Paļdis visim mōkslinīkim, Nautrānu pogosta amatīrmōkslas kolektivim un skūlānim par atsauceibu un entuziasmu! Kai ari sirsneigu paļdis soku portalam
lakuga.lv
, īpaši Vinetai, Pīteram Aloizam Ragaušam par atbolstu un sadarbeibu! Visim tehniskajim paleigim paļdis par radūšumu un paleidzeišonu! Paļdis Dainai Zvejsalniecei par skaistīm dekorim un atmosferas radeišonu! Sirsneigs paļdis jyusim, dōrgī pasōkuma apmaklātōji, ka jyus atbolstot un nūvērtējat! Itys “Boņuks” byus gūda vītā Nautrānu pogosta pōrvaļdē!” Patīss prīks, ka ceļu iz Rogovku ir atradis “Boņuks”, un es ceru, ka itys nabyus pādejais “Boņuks” myusu pogostā! Nūvālu daudz radūšuma šymā godā, sasnēgt nasasnādzamus mērkus, pīpiļdeit vyskvālōkūs sapynus un vysas īceres! Lai vyss izadūdās, un naapsastōtīs pi pyrmajom gryuteibom, īt, dareit, atbaļsteit, paleidzēt ar dorbim un padūmu! Lai itys gods ir veiksmeigs, nasaskotūtīs uz vysom problemom, kas volda pošlaik!
Arvīds GĻAUDA
Latgolas vēstnīceibas “Gors” foto
Komentāri