Dzejas slamā izlūzes kōrteibā uz skatuves kōpe Evelīna Visocka, Dagneja, Inga Kaļva-Miņina, Rasma Svikle, Evika Muizniece, Līga Slišāne, Jānis Smans, Silvestrs, Aija Mikele un Elizabete. Ar latgaliski rokstūšīm autorim – slama daleibnīkim – īpazeistynōja pasōkuma vadeitōjs Edgars Provejs. Autorim beja jōsagatavoj trejs dzejūli. Sacenseibas sastōvēja nu trejs dzejūļu deklamēšonas kōrtom, dzejūli dreikstēja byut dažaida stila, golvonais – sovi un latgaliski. Pyrmajā kōrtā visi daleibnīki nūlaseja pa dzejūļam, pēc tam nūtyka vērtēšona. Ūtrajā kōrtā tyka seši autori, trešajā – trejs. Tod ari nūteice slama uzvarātōju. Kurš nu byus lobōkais, izlēme na tikai žurija, bet ari skateitōji. Vārtātōji beja pīci profesionali nu radūšajom nūzarem – Latgalīšu volūdas, literaturas un kulturvēstures skūlōtōju asociacijas vadeitōja Veronika Dundure, Latgalīšu kulturas ziņu portala lakuga.lv redaktore un pyrmō komiksa latgaliski “Sunāns breiveibā” autore Laura Melne, dzejnīks, atdzejōtōjs un tulkōtōjs Arvis Viguls, dzejnīks, publicists un literaturzynōtnīks Valentins Lukaševičs, pārnejō goda “Rogovkys dzejis vogys” uzvarātōja Annele Slišāne. Žurija dorbus vērtēja gon pēc izpiļdejuma manīres un entuziasma, gon pēc stila un satura. Dzejas slamā 3. vītu īgyva Rasma Svikle, ūtrū – Evika Muizniece, bet šūgod par “Rogovkys dzejis vogas” uzvarātōju kliva rēzeknīts Silvestrs.
Pilnu tekstu lasiet «RV» 13.09.2024.
Комментарии