Junija beigōs Rogovkā bejušajā krūga vītā, veikalā “Sils”, tyka atklōta vītejōs jaunītes Amandas LUDBORŽAS izsapņōtō ekspozicija. Tei reizē ir jauns kulturvēstures, nūvodpētnīceibas un turisma objekts Rēzeknes nūvodā – stōsts par vītejōs apkōrtnes krūgim. Ekspozicija “Iz krūdzeņu gluds bej’ ceļš” turpmōk paleidzēs kai vītejīm, tai ari ceļōtōjim izzynōt gon krūgu, gon Nautrānu pogosta vēsturi, kai ari īpazeit īvārojamu Latgolas kulturvēstures personeibu dzeives faktus.
Jaunōs ekspozicijas idejas autore ir vītejō jaunīte Amanda Ludborža, kura īsasaistējōs latgalīšu kulturas kusteibas “Volūda” Latgolas izzynōšonas un jaunīšu izaugsmes programā “LTG tu dū!” un ar programas atbolstu eistynōja sapni par vizuali radzamu vītejōs apkōrtnes krūgu stōstu. Ideja par krūgu izpēti jaunītei rodōs, pasateicūtīs vacōkim, kuri nu jau trejsdesmit godus pōrvolda āku Rogovkas centrā – vacajā krūga vītā.
Mediju uzņēmums piedalās projektā «Latvijas Mediju nozares kompetenču centrs» (Nr. 2.2.1.5.i.0/2/24/A/CFLA/001), kurš tiek īstenots ES Atveseļošanas un noturības mehānisma plāna 2.2.1.5.i. investīcijas «Mediju nozares uzņēmumu digitālās transformācijas veicināšana» pasākumā «Mācības mediju nozares speciālistu digitālās kompetences un zināšanu pilnveidošanai» ietvaros un saņem atbalstu mediju speciālistu apmācībām un digitālās attīstības modernizācijai.
Komentāri