Vasala, Plōciņu Maseit!
Nūvēleju Tev, visim avīzeitē strōdōtōjim un laseitōjim, jaunajā 2017. godā Dīveņa svēteibu, un pōrejais vyss tiks dūts. Vēļ grybu pībiļst – Maseit, pīroksti ari Tu kū.
Jōatsazeist, ka, ar sovom klopotom karojūt, ir lelōka jāga nakai rokstūt par tū, kas nūteik vaļstī. Kas tī kō nasaprast? Sevi pōrzynu. Ka nasaīt vīnā vītā tū ceglu myurī pakustynōt, tod giunūs klōt cytur. Un na vysod tī cegly ir tī, kurus visi redz, bet taišņi tī godōs pīlikt vysvairōk pyuļu. Klopotas atsakōpās, lai ari vēļ lēni. Mudrōk – kod teik bīžōk reiceiba pōrdūmōta.
Pļapatunu Donetam par vaļsts klopotom lelōka pīredze. Jam es par tom ari vaicōju.
“Kū tu! Tev klopotu maiss ir vīns. A tī diveji – kotram cylvākam. Sovs maiss un vēļ kūpeigais. Tai vasals vazums saīt. Tu labi zini, ka ar gryutōkōm klopotom, kas sovā maisā aizjem vairōk vītas, ir bezcereigi kautīs. Tagad īsadūmoj vaļsts pōrvaļdeitōju gryutōkōs klopotas, nu kotra cylvāka kūpeigō klopotu maisa!”
“Nikod gola nabyus!” es īsasauču.
“Taisneiba, lein maisā!” īsasauce Donets. “Godōs, ka cylvāki pat naatzeist sovus tryukumus. Kur nu vēļ rysynoj, bet te ari citi vaļsts pōrvaļdeitōji tū atzeist par normu. Atlīk tikai vēļ ar lykumu sovu natykumu apstyprynōt. Un kū vēļ vairōk vajag?”
Atlīk secynōt, ka vaļsts, kura lykumeigi tautu maitoj, var tikt ījimta. Kur NATO, kur ASV paliks, kod ar sovim lykumeigīm grākim rossyrdynōs Dīvu. Itys ir nūpītni.
Pļōpu Pīters
Комментарии