Dūmojams, ka ikvīns nu myusim daudzas reizes redzējis kinorežisora Jōņa Streiča filmu “Cylvāka bārns” ar sirsneigū un osprōteigū golvonū varūni Boņuku. Filma uzjimta pēc Jōņa Klīdzēja romana “Cilvēka bērns”, kas bolstōs uz rakstnīka bērneibas atmiņom. Lai pīmynātu izcylū rakstnīku, nūvodnīku Jōni Klīdzēju jō 110. jubilejā, 4. majā Kantinīku kopūs pi Klīdzēja kopa sanōce Sakstagola Jōņa Klīdzēja pamatskūlas pedagogi un skūlāni, kulturas darbinīki un citi. Pasōkums turpynōjōs pi rakstnīka stōdeitō ūzula, kas atsarūn pi Jōņa Klīdzēja pamatskūlas, tod skūlā izskanēja koncerts. Pēc tam svineibas turpynōjōs F. Trasuna muzejā “Kolnasāta”.
Jōņs Klīdzējs pīdzyma 1914. goda 6. majā Viļānu pogosta Kurpinīkūs Virginas un Aleksandra Klīdzēju giminē. Četras jō mōsas nūmyra epidemijā Pyrmō pasauļa kara laikā, bet divi brōli kryta Ūtrajā pasauļa karā. Bērneibu jys pavadeja storp divom dzymtas mōjom – Kurpinīkūs un “Upmaļūs” Kantinīku pogosta Liužas cīmā.
Медиапредприятие участвует в проекте «Латвийский центр компетенций медиаотрасли» (№ 2.2.1.5.i.0/2/24/A/CFLA/001), который реализуется в рамках мероприятия «Обучение для совершенствования цифровых компетенций и знаний специалистов медиаотрасли» инвестиции 2.2.1.5.i. «Содействие цифровой трансформации предприятий медиаотрасли» плана Механизма восстановления и устойчивости ЕС и получает поддержку для обучения медиаспециалистов и модернизации цифрового развития.
Комментарии