Uzvōrds ir personvōrds, kas nūrōda pīdareibu pi nūteiktas gimines, dzymtas. Filozofe Olga Senkāne stōsteja par dzymtu un tōs sabrukumu, kai tū literaturā ir atspūguļōjuši pasauļslovoni autori, pīmāram, Gabriels Garsija Markess dorbā “Simts vientulības gadu”, Tomass Manns dorbā “Budenbroki” u. c. Un vīna nu atbiļdem – kai īmyu-žynōt sovu dzymtu – ir mīļōt un radeit. Sovukōrt demografs, geografs un vēsturnīks
Ilmārs Mežs
(attālā) stōsteja par Latgolas uzvōrdu pēteišonu. “Kod pyrmū reizi satyku Sibirijas latgalīšus Novosibirskas apgobolā, saceidams: “Loba dīna!”, jī maņ atbiļdēja: “Nā, ite tyuces nōk.” Bet sveicynōjōs, saceidami “Vasali!”,” tai sovu stōstejumu īsōka Ilmārs Mežs. Jys pastōsteja, ka daudzim vōrdim senōkūs laikūs ir bejuse pavysam cyta nūzeime, bet, laikam ejūt, daudz kas mainejīs. Pīmāram, Ilzeskolna pusē ir vīta Dyrši, kas myusdīnu izpratnē skaņ kai lomuvōrds, bet leitovīšim šys vōrds nūzeimej – smylga.
Комментарии