Laika rots grīžās ļūti ōtri – vakardīna pavysam namonūt pōrsavēršās par pagōtni, par vēsturi. Laiks steidzās tik uz prīšku, nūtykumi bērst kai nu pōrpiļneibas roga, un leidz ar tū daudz kas ari palīk aizmērsts. Aizskrīn godu desmiti, un, kod skotīs gimines albumu, nu vacom malnboltajom fotografijom raugōs napazeistami cylvāki. Zini tik dažus – lyuk, tei ir muna vacōmōte vai vactāvs, vai kaids cyts radinīks. Bet kas ir pōrejī biļdē radzamī cylvāki, tū jau vairs navarim uzzynōt. Bet tūmār fotografija snādz tik daudz informacijas – kai agrōk cylvāki gērbēs, kū dareja…. Tōpēc apskotit sovus albumus, pōrcylojit sovas atmiņas un uzrokstit par kaidu senōku nūtykumu, varbyut par sovu bērneibu vai senčim! Pasadolotīs ar sovom atmiņom ar “Mōras Zemes” laseitōjim! Rokstit!
Aija MIKELE-STRUŠELE
Attālā: māslu tolka Leimanišku cīmā Maltas pogostā. Pagōjušō godusymta 30. godu beigas vai 40. godu sōkums.
Foto nu AUTORES albuma
Комментарии