Vysus sveicūt, Nautrānu pogostu apvīneibas vadeitōja Līvija Plavinska saceja: “Rudiņs – buļbu laiks, kotrs sovā vogā. Ari dzejnīki sovā vogā. Jōsoka tai, pagōjušgod mes teišam redzējom skaistus svātkus, breiniškeigus izpildējumus. Šudiņ otkol varēsim vysi kūpā svinēt itūs dzejas svātkus. Nu kai tamā vogā, dažs lobs pīsalīcās smolkai, cyts kai mōk, cyts rōpoj. Ari taipat dzejā. Kas kuram pateik! Vysi, kas pīsateikušīs, ir gona cīši lobi! Mes gribim nu sovas puses saceit tai – latgalīšu kultura mums ir ļūti svareiga, tō-pēc mes jebkaidā veidā gribim atbaļsteit vysus tūs, kas ceinōs par tū, kas pīsadola i kas dora tū, lai latgaliskō kultura byutu atpazeistama. Lai uzvar lobōkais!”
PYLNI DZEJAS ORŪDI
8. septembrī Rogovkā nūtyka dzejas slams “Rogovkys dzejis voga”. Šys jau ir ūtrais rudiņs, kod latgaliski rokstūšī autori tyka aicynōti pīsadaleitīs dzejas sacenseibōs, simboliski tōs sasaistūt ar buļbu laiku.
Komentāri