Lai runōtu par šū problemu, Rēzeknes Centralōs bibliotekas konferenču zālē beja sasapuļcejušīs latgalīšu volūdas entuziasti, kuri īsastōj par teiru, skaistu un saprūtamu latgalīšu volūdu un ir Pītera Stroda gramatikas pīkritēji. Tyka runōts par latgalīšu volūdas bēdeigū stōvūkli, ka, losūt grōmotas vai rokstus jaunajā raksteibā vai dzēržūt radio, pīmāram, raidejumu “Kolnasāta”, rūnās īspaids, ka asam nūklivuši Vitebskas guberņas laikūs. Voi šōs gramatikas pīkritēji lyukojās uz austrumu pusi? Grib dzeivōt cytā īkōrtā? Varbyut te ir Kremļa pērksts? “Pareizi reikojās Bazneica, kas atteikusēs tekstus “pōrtulkōt” jaunajā raksteibā. Jā, vyss mainōs, rūnās jauni vōrdi, vacī zaudej jāgu. Taču volūdnīki nadreikst kļiut par diktatorim!” uzsvēre Pēteris Turkopuls. “Tagad ir tendence ar volūdu saškelt sovā storpā latgalīšus. Tū navajag dareit. Un navajag spļaut Stroda okā,” aicynōja Zinaīda Deksne. Sovukōrt Dzidra Bruzgule uzsvēre, ka jaunōs raksteibas jeb “kiukōšonas” un rusicisma dēļ Varakļōni grib palikt Vidzemē, navys Latgolā. Vōrdu sokūt, šymā na tik vīglajā laikā, kod pasauli trycynoj kars Ukrainā un vysas nu tō izrītūšōs sekas, byutu laiks ari padūmōt, cik teiri mes runojam latgaliski.
Aija MIKELE-STRUŠELE
Eduarda UTĀNA foto
Komentāri