Izdevnīceibas vadeitōjs Jōņs Eļkšņa kungs vyspyrms klōtasūšūs aicynōja ar klusuma breidi pīminēt myužeibā aizgōjušū Jezupu Strodu, vīnu nu izdevnīceibā publicātūs dorbu autorim. Tod J. Eļksnis stōstēja par šūgod izdūtajom grōmotom, vairōk uzmaneibas veļtejūt teiši kalendaram un almanaham. Pīmāram, almanahā šūgod losami 31 autora dorbi, bet kalendarā — 50 autoru roksti. Kalendara jaunums ir Rēzeknes – Aglyunas diecezes goreidznīku saroksts, kas ļūti nūdereigs ikdīnas dzeivē. J. Eļksnis nūrōdēja, ka it vysūs laikūs tyka publicēti gon autori ar lelu pīredzi, gon īsōcēji. Ja jaunūs napublicēs, kas tod raksteis vālōk? Kulturas darbinīks Pīters Keišs, sveicūt J. Eļksni, saceja jam lelu paļdis par latgalīšu volūdas saglobōšonu, paļdis, ka daudzas pašvaļdeibas snādz finansialu atbolstu grōmotu izdūšonai. Prūtams, ja finansejums byutu lelōks, varātu izdūt vairōk grōmotu. Pasōkumā tyka runōts ari par latgalīšu volūdas saglobōšonu.
Aija ZUJA
ATTĀLĀ: LKC izdevnīceibas vadeitōjs Jōņs Eļksnis (1. ryndā 2. nu kreisōs) ar autorim — V. Grišāni, P. Meikstumu, I. Keišu; 2. ryndā — P. Akulu, V. Vogulu, I. Dimzuli, E. Pinku un R. Linužu.
Eduarda UTĀNA foto
Komentāri