Ceciļ, dōrgiņkō! Myusu Metaļustu īlā — ekskļuzivs! "Kai nikur cytur!" Puļgeņce soka. Tu pazar biļdē. Kai čyuskeņa ap styuri aizalūka! Tys asūt sērpa-tyns. Dēļ tō mašinis i ruļavoj. Ļusteigi kai jau Meta-ļustu ūļneicā. Kai kura i cik viņ dreiži mōk. I purgoni, i gruzoviki. A tī brokeri, kod timseņa, kai raketas šaun. Ni nūsaļubavōt! Myužeigs skaistums! Viņ autobusu šopereišim to na da ļustu, viņ iz Dīvu jōpasaļaun, kod ap tū styuri jōgrīž, a preteimā taids pats lels buss. Itī puiši to visiņki premeju voi koč medali nūpeļnējuši par virtozū braukšonu. Vaicōsi, dēļ kō mašinis te ruļavoj? Nu tak godusymta trasi Moskvas ūļneicā jau nazcik godu taisa. Ūļneicas vēļ nav, a zaļō zona jau zaļoj. Bōlyudnes, naradzātas, moš nu ōrzemu īvastas, kūku vītā pa vysu korstumu kai mežs saaugušs. Navajadzēs ni laisteit i nikaidim tī aizjyuras kūkim voi kryumim naudeņu škīst. Ak, gribi zynōt, dēļ kō leika tei īla? Nu tak divi zači ar vīnu šōvīni nūgiuti. Rāznei — sovs sērpa – tyns, kai nikur cytur, a garajai Moskvas īlas mōjai Metaļustu golā — mašiņu stōvvītai zemes gobols nūškībts. Tōļōk – ni paneļa, ni ūļneicas. I papeiri teiri! Atbrauc pasaļubavōt! Myužeigs skaistums!
Tova PLŌCIŅU MASE
Zoses biļdes
Komentāri