31. augustā Ministru prezidente Laimdota Straujuma paraksteja reikōjumu par Latgolas kongresa symtgades pasōkumu organizēšonas dorba grupu. Dorba grupai leidz 1. novembram jōizstrōdoj pasōkumu plans un finansējumu tāme, nūrōdūt atteiceigō pasōkuma eistynōtōju un finansējuma olūtu, kas byus jōīsnādz Ministru kabinetā. Dorba grupas vadeitōja ir kulturas ministre Daca Melbārde. Pošā dorba grupā 22 cylvāki — Kulturas ministrijas pōrstōve Jolanta Borīte, VARAM ministrs Kaspars Gerhards un dažaidu Latgolas piļsātu pōrstōvi, LKC izdevnīceibas vadeitōjs Jōņs Eļksnis, Rēzeknes Latgalīšu kulturas bīdreibas vadeitōja Līvija Plavinska, Rēzeknes nūvoda pošvaļdeibas Kulturas nūdaļas vadeitōja Ināra Pleikšne, Rēzeknes pošvaļdeibas agenturas “Rēzeknes kulturas un tūrisma centrs” direktore Jūlija Danilina un jōs vītneica Maija Brēķe, Rēzeknes dūmes prīkšsādātōjs Aleksandrs Bartaševičs, Rēzeknes Augstskūlas profesore Ilga Šuplinska, bīdreibas “Latgalieši” vaļdes lūceklis Jōņs Krišāns, Latgolas vēstnīceibas “Gors” vadeitōja Diāna Zirniņa un citi.
Sagatavoja
Aija ZUJA
Komentāri