Jaunō grōmota ir interesanta ari taidā ziņā, ka tei vīnlaikus ir Latgolai veļteits suvenirizdavums, kū veidoj spiralveida īsējumā apvīnōtas 48 postkartes, kurom vīnā pusē dzejūļs ir latgaliski un nalela dekorativa ilustracija, ūtrā pusē dzejūļa tulkōjums latvyski, zeimēta Latgolas karte ar nūzeimeigōkōm piļsātom, vīta postmarkai un tekstam. Vōrdu sokūt, kotra lopa ir postkarte, kū var ryupeigi izjimt nu grōmotas un kaidam aizsyuteit kai pōrsteigumu. Pasōkums aizritēja nadaudz naparostā formatā – tai kai Ingrida Tārauda tagad dzeivoj Īrijā, tod autore klōtīnē navarēja īsarastīs, bet, pasateicūtīs myusdīnu tehnologijom, tūmār beja ar visim kūpā. Jei pīsaslēdze pasōkumam ar
Zoom
paleidzeibu. Prūtams, pyrmom kōrtom beja sarunas par jaunū grōmotu. Dzejūļus nu tōs laseja gon poša autore Ingrida Tārauda, gon dzejnīks Oskars Seiksts, gon citi pasōkuma apmaklātōji. Ar muzikalim sveicīnim prīcēja Laura Svikša un Mārcis Lipskis. Grōmotu “Drupanenis”, kur haikas ir latgalīšu un latvīšu volūdā, ir izdavuse bīdreiba “Atvērtās krātuves”. Grōmotas izdūšonu finansiali atbaļsteja Vaļsts kulturkapitala fonda mērkprograma “Latviešu vēsturisko zemju attīstības programma” un Rēzeknes pašvaļdeibas agentura “Rēzeknes Kultūras un tūrisma centrs”.
Komentāri