Loba dīna! Ar pōrsteigumu kaidā avīzes numurā laseju, kai vacā fotografijā tyka atpazeiti ļaudis, raksturōta situacija: tyka saglōbta kripateņa vēstures. Munōs rūkōs nūnōkuse apmāram 1935. goda fotografija, kurai ūtrā pusē uzspīsts lels zeimūgs ar tekstu “Latvijas Katoļu jaunatnes biedrība — Rikavas nodaļa”. Ir vēļ ari mozs zeimūdzeņš ar tekstu “FOTO — VIĻĀNI — A. LOCOVS”. Varbyut “Rēzeknes Vēstis” paleidzēs ari šai fotografijai atrast sovu vītu vēsturē? Leidz šam nazynōju, ka Rykovā kaidreiz dorbōjusēs katōļu jaunōtnes bīdreiba. Kū itī cylvāki dareja? Kas vini ir? Blokus mōceitōjam sēd Jezups Ragaušs, bet ari jō meitai dīmžāl nav informacijas par fotografijā īmyužinōtū vēstures breidi.
Ar cīnu,
Iveta DIMZULE
Cīnejamī laseitōji! Ja jyusim ir kaut kas zynoms par nūtykumu vai fotografijā radzamīm cylvākim, rokstit “Mōras Zemei” “Rēzeknes Vēstīs”, Bazneicas īlā 28, Rēzeknē, LV-4601; e-posts — [email protected], tel. 64622853.
“RV”
Komentāri