“Latvijas symtgadei taisu medaļus. Vīns variants ir medaļs ar Latvijas konturom, bet ūtru variantu sapynā redzēju: uz medaļa beja Abrenes tautas tārps,” stōsta Leonards Vincevičs, rōdeidams atklōtneiti ar Latvijai zudušō nūvoda breineigi skaistū tautas tārpu. Meistara rūkōs cyts pēc cyta tūp medali, veļteiti dažaidim nūtykumim, pīmāram, nasenejai Rēzeknes 732. godskōrtai
(attālā)
. Ir medaļs, veļteits Kulturas darbinīku parka 40-gadei, kas apritēs jau nōkomgod. “Kai tagad atcerūs. Pyrms 40 godim aktīrs Kārlis Sebris, kod beja pi manis cīmūs, un es tūlaik, gatavōdamīs izstōdei Moskovā, iz kolna beju salicis svečturus, saceja: “Māksliniek! Paskatieties, svečturi kā ozoli aug!” Tai tūlaik maņ rodōs ideja par parka izveidi,” Leonards Vincevičs dolōs atmiņōs. Mōkslinīks pastōstēja, ka ar medaļim pīsadaleisīs tradicionalajā izstōdē “Rudens”, kas byus Latgolas Kulturvēstures muzejā. Taipat sarunōta izstōde Pūlijā, Krakovā, tikai jōsameklej sponsors. Lai veicās!
Aija MIKELE
AUTORES foto
Komentāri