Vyspyrms bīdreibas vaļdes prīkšsādātōja Līvija Plavinska klōt-asūšūs informēja, kū bīdreiba ir darējuse šūgod, stōstūt gon par Nikodema Rancāna bolvu skūlōtōjim, par kuru tagad daudzom pašvaļdeibom ir rodusēs interese, tai ka šys konkurss cytu godu turpynōsīs. Bīdreiba par sovu naudu atjaunōjuse Mīra īlas kopūs N. Rancāna pīminekli. Prūtams, prīkšā daudz dorba — gon Latgolas kon-gresa symtgade gaidama, gon 4. Pasauļa Latgalīšu kongress, ari Latvijas symtgade un daudzi citi dorbi. Bet ōrkōrtas sapuļces golvonais sasaukšonas īmesls beja bīdreibas nūsaukuma maiņa. Turpmōk byus navys
Rēzeknes Latgalīšu kulturas bīdreiba,
bet gon
Latgalīšu kulturas bīdreiba,
tai līkūt uzsvoru uz visim latgalīšim, gon Reigā, gon ōrzemēs dzeivojūšīm, na tikai Rēzeknē un nūvodā asūšīm, bet visim tim, kuri grib dorbōtīs bīdreibā un dūt sovu pīnasumu Latgolas lobā. Sapuļces dorba kōrteibā beja ari vaicōjums par izmaiņom bīdreibas vaļdē. Tai kai nu vaļdes izastōja Voldemārs Ivdris, ar bolsu vairōkumu vaļdē tyka īvālāta Renāte Lazdiņa
(radioraidejuma “Pi myusim Latgolā” golvonō redaktore).
Vēļ jōpībylst, ka bīdreibā tyka uzjimti jauni bīdri.
Aija ZUJA
Komentāri