1994. godā pi tūreizejō Vaļsts skūlōtōju instituta (tagad Rēzeknes Tehnologiju akademija) tyka īlykts pamatakmiņs Nikodema Rancāna pīminēklim. Tūreiz atmiņōs dalejōs kaida nu Nikodema Rancāna skūlneicom: “Nikodems Rancāns ļūti mīļōja cylvākus, īpaši sovus audzynomūs. Kaidu dīnu apmeklējis kūpmītni, kur dzeivōja jō studenti. Meitines darynōja rūkdorbus – kaida adejuse, cyta izšyvuse. Monsinjoram tys ļūti patyka, jys tōs uzslavēja, bet, prūm īdams, sacēja: “Raunit, raunit!” Meitines beja sajyusmā un nūrunōja, ka uztamborēs jam šalli, bet dīvamžāļ nūdūms napīsapiļdēja, jo Nikodems Rancāns pēkšņi devīs myužeibā.” 2002. godā tyka atklōts Nikodemam Rancānam veļteits skulptores Ineses Evaldes radeitais pīminēklis “Sadegdams pats, deva gaismu citiem”. Nikodems Rancāns beja Rēzeknes Vaļsts skūlōtōju instituta direktors nu 1929. leidz 1933. godam. Instituta dōrzā kūpe un audzēja dažaidus zīdus, bet jō vysmīļōkōs pučes beja boltōs lilijas. Atzeimejūt Nikodema Rancāna 150. dzimšonas dīnu, Rēzeknes Tautas lītiškōs mōkslas studijas “Dzīpariņš” meistares darynōja šalli
(attālā)
, kū atceres pasōkumā pie monsinjora Nikodema Rancāna pīminēkļa dōvynōja Rēzeknes Tehnologiju akademijai. RTA rektore, profesore Iveta Mietule sacēja, ka mums kotram byutu jōstrōdoj tai, lai myusu davums palīk nōkamajom paaudzem. Pi N. Rancāna pīminēkļa akademijas studenti un akademiskais personals svātkūs fotografejās, bet Zineibu dīnā pi pīminēkļa studenti nūlīk zīdus.
RTA Sabīdriskūs attīceibu nūdaļa
Foto nu RTA arhiva
Komentāri