“Rēzeknes Vēstu” 14. maja numurā beja publicēts Annas Babres roksts “Par latgaļu literarū volūdu”. Paļdis Babres kuņdzei par tik izsmeļūšu skaidrōjumu.
Tys Leikumas uzspīstais “uo” jau ir apsarībis leidz nalobumam. Atcerūs, kaidreiz abonēju žurnalu “Katōļu Dzeive”. Kurš roksts beja raksteits ar “ō”, tū laseju ar prīku, bet ja kaidā rokstā redzēju neistū “uo”, tod lyku žurnalu nūst. Tai kai šamā žurnalā arvīn vairōk redzēju “uo”, tod nasōku tū abonēt.
Turpynojūt Annas Babres ceiņu ar latgaļu raksteibas krūpļōšonu, uzraksteju dzejūli.
Latgalīts Jōņs vīnu jauku dīnu
Pajēme laseit žurnalu vīnu.
Tī beja vērsroksts
“Latgaļu volūdas mōceiba”.
“O,” dūmōja Jōņs,
“tei ir myusu volūdas līceiba.”
Bet cytā reizē Jōņam
izgōja greizi,
Jys izlaseja vērsrokstu
“Latgaļu volūdys muoceiba”.
Padūmō Jōņs: “Kas tei par
cyuceibu?
Kas tys par vōrdu
“muoceiba”?”
Tei ir nazkaida naloba
raksteiba,
Un īsōka Jōņs šū raksteibu lobōt:
Ka nūstreipōt “o” un iz “u”
garumzeimi likt,
Tod pi vōrda “mūceiba”
var tikt.
Tod iznōk vērsroksts
“Latgaļu volūdas mūceiba”,
Tys nader, bet kū dareit te var?
Zyna Jōņs, ka latgaļu volūdā
taida “uo” nav,
Bet ir vīns cyts skaneigs
divskanis “au”.
Un ja itū divskani vōrdā šai likt,
Tod pi vīna naloba vōrda var tikt.
Nu iznōk vērsroksts
“Latgaļu volūdas m..ceiba”,
Bet nu taida ir Leikumas
uzspīstō vuiceiba.
Pīmiņ Jōņs, kod reiz jys
bazneicā beja,
Pret itū “uo” jys pasaraksteja.
Ja pret taidu “uo”
latgaļu paroksti naleidz,
Tod vīneigi tīsu dorbi
lai paleidz.
Ar taidu “uo” navajag ōksteitīs,
Pi veiskupa Stroda pareizōs raksteibas vajaga turētīs.
Marija ZUJA
Maltā
Komentāri