“Pošlaik sagatavota drukōšonai “Mōras zeme II”, kurā apkūpōti kultūrvēsturiski un religiski izgleitojūši roksti, kas beja publicēti laikroksta “Rēzeknes Vēstis” pīlykumā “Mōras Zeme” pēc 2000. goda. Nu 1997. leidz 2000. godam “Rēzeknes Vēstīs” publicētū rokstu krōjums “Mōras Zeme I” izdūts 2017. godā. Jōpībylst, ka šei “Mōras Zeme” teik īmyužynōta ar labdara Raimonda Krasinska finasialu atbolstu. Gondreiž jau sagatavōta kultūrvēsturisko un literarō godagrōmota “Tāvu zemes kalendars 2020”. Tys byus interesants: autori uzrakstējuši ļūti lobus rokstus. Bez tam sagatavōta drūkošonai latvīšu volūdas skūlōtōjas Marijas Brokānes grōmota “Brokānu dzimta” par jōs gimini, kas izceļōjuse uz ōrzemēm. Izdūsim papyldynōtu izdavumu “Piemineklis un laiks” (materiālu krōjums par Latgolas atbreivōšonas pīminekli), kas izdūta 2017. godā, kū sastōdējuse Irēna Viļčuka. Tagad izdavumu ar rokstu un fotografijom papyldynōjis Pīters Keišs. Jō šūgod aprit 80 godu kūpš dīnas, kod atbreivōšonas pīmineklis “Vienoti Latvijai” tyka atklōts pyrmū reizi,” stōsta Jōņs Eļksnis. Izdevnīceibas vadeitōjs pastōstēja ari tū, ka izdevnīceibas lelōkō problema ir naudas tryukums. “Lai izdūtu grōmotu, mums lobōkajā gadējumā pīškir tikai tik daudz, lai var samoksōt tipografijai. Bet izdevnīceiba strōdoj vysu godu — vōc materialus kalendaram, “Olūtam”. Bīži materialus sajemam rūkrokstā. Citus dorbus, pīmāram, par arheologiju voi vēsturiskus materialus vēļ jōpōrlīk latgaliski. Teksts ari jōridegej. Tys prosa daudz dorba. Raksteju Saimas deputatim iz Reigu. Atbiļdē atsyuteja tik vēstuli, ka varbyut Kulturas ministrija izsludynōs konkursu latgaliski raksteitūs grōmotu izdūšonai. Jī dūmoj, ka mes izdūdom tikai latgaliski. Bet myusu izdevnīceiba izdūd Latgolas autoru dorbus gon latgaliski, gon latvīšu literārajā volūdā, pat krīviski raksteitus dorbus,”saceja Jōņs Eļksnis. Atlīk nūvēlēt dzērdeigas ausis Saimā, dāsnus labdarus un Dīva paleidzeibu! Gaideisim jaunōs grōmotas!
Aija MIKELE
Komentāri