Literarōs prozas konkursā “Latgolas prozas skaitejumi 2021”, kura moto ir “Pasaulī vyss ir sasapiņs mozglūs”, autori aicynōti īsyuteit pošu radeitūs un leidz tam napublicātus tekstus latgalīšu rokstu volūdā vai latvīšu literarajā volūdā. Dorbi tiks vārtāti, izceļūt na teksta volūdu, bet literarū teksta kvalitati un pīdareibu Latgolas kulturtelpai, tai atklōjūt regiona sovpateibu un parōdūt latgaliskumu jō plašōkajōs nūzeimēs. Konkursā īsnāgtūs dorbus vērtēs žurija vysmoz trejs Latvijas literaturas procesūs īsaisteitu cylvāku sastōvā. Konkursā ar naudas premijom – 200, 150 un 100 eiro apmārā – tiks apbolvōti trejs vysvairōk žurijas punktu sajāmušūs dorbu autori. Pīsadaleit konkursā “Latgolas prozas skaitejumi 2021” var, īsnādzūt dorbus – esejas, stōstus, romanu fragmentus (7000–12 000 zeimu apmārā) –
leidz 1. decembram
, syutūt tūs bīdreibai “LgSC” uz e-postu:
ar nūrōdi “Latgolas prozas skaitejumi 2021”. Jōpīvīnoj dorba elektroniskō versija, ziņas par sevi (vōrds, uzvōrds, dzimšonas gods, nūsadorbōšona, eisa radūšō biografija) un kontakt-informacija (telefona numurs, e-posts). Pylnu konkursa nūlykumu meklejit
www.lakuga.lv.
“Latgolas prozas skaitejumu 2021”
nūslāguma pasōkums byus 12. decembrī plkst. 15.00.
Ja tō breiža pastōvūšī īrūbežōjumi ļaus, iz tū tiks aicynōti visi konkursa daleibnīki. Lobōkūs tekstu autori pīsadaleis ar sovu dorbu skaitejumim. Pasōkumu varēs vērtīs tīšraidē storptautyskō literaturas festivala “Prozas lasījumi 2021” mōjaslopā un latgalīšu kulturas ziņu portalā lakuga.lv. Vairōk informacijas par pasōkumu byus decembra sōkumā. Bīdreiba “LgSC” (īprīkš “Latgolys Studentu centrs”) ir navaļstiska organizacija, kas apvīnoj cylvākus, kurim ir svareigi saglobōt un atteisteit Latgolas un latgaliskū kulturtelpu, latgalīšu volūdu. Konkursu “Latgolas prozas skaitejumi 2021” atbolsta Vaļsts Kulturkapitala fonds.
Komentāri