Pēc pīcu godu studejom Reigas Goreigajā seminarā 1977. goda 22. majā veiskups Julijans Vaivods jū īsvēteja par prīsteri. Vairōk nakai 40 godi aizvadeiti Dīva dryvā. Cik bērneņu nūkristeits, cik pōru salaulōts, cik naticeigūs pi apgaismeibas vasts, cik kristumticeigūs pādejā ceļā izvadeits! Strōdōts dīnom un naktim, sevi nasaudzejūt. Šudiņ, kod pasauļam smuts golvu jauc, ar ticeibu, cereibu un mīlesteibu lyugsimēs, lai Dīvs dūd tāvam Pōvulam veseleibu un spāku izturēt itū “Sodomu un Gomoru”!
Anita GRAUDIŅA P. S. “Esit laipni, esit žāļsirdeigi, esit drūsmeigi,” pagōjušōs svātdīnas mōceibā Jezus Sirds katedralē mudynōja veiskups, runōdams par ticeibas spāku un vōjumu. Te ir par kū padūmōt. 23. novembrī, sastdīnē, sabrauksim, sanōksim, vīnōsimēs lyugšonōs par cīnejamū tāvu Pōvulu Rēzeknes Jezus Sirds katedralē 7.00; Viļānūs — 7.30. A. G.
Komentāri