Vasala, Plōciņu Maseit!
Rokstu na vysai prīceigā laikā. Kod tyvumā karoj. Tys vyss napareizi nūteik. A kū tod tu padareisi, kod cylvākim napareizi dūmōšona strōdoj. Kod smedziņu kapturs aizkvēps.
Taids laiks, ka nūsastōj tō pusē, pi kurō pošam sovs krakls tyvōks. Taids laiks ir, bet tys laiks nadrūšs. Napamaņeis, kai iz kurū pusi pasagrīzsīs un tys krakls tōļōk paliks. Tikai tai līkās, ka ko to lobā strōdoj. Tikai vīns zyna, kas byus, un tys ir Dīveņš. Tai ka tei ir tikai atsarunōšonōs.
Tagad par cytu laiku. Jūslas. Te beja Pļapatunu Donetam kū saceit: “Jau napīmiņu, cik godu teik itys vaicōjums cylōts. Bet gola vēļ nav. Laikam specialai taids lāmums pījimts, ka navar nikaida lāmuma pījimt. Kaidom nu Eiropas vaļstem tys ir izdeveigi. Tamā pošā sankciju jautōjumā beja rikteiga steivēšonōs, bet taids nīks kai atsasaceišonōs nu stuņdinīka grūzeišonas var pagaideit varbyut vēļ desmit godus.”
Tys tai eisumā byus vyss. Paļīc vasaliņka, Plōciņu Maseit, ļeidz cytai reizei.
Pļōpu Pīters
2022. gada 6. martā
Komentāri