“Tys, ka doru tū dorbu, kas maņ ļūti pateik. Muns pamatdorbs ir skūlōtōja Rēzeknes Mōkslas un dizaina vydusskūlā, kur vodu Mōkslas izgleiteibas programmas nūdaļu, pasnādzu gleznōšonu, kompoziciju, zeimēšonu, un ikdīnā asmu sīva, mama divom meitom un gleznōtōja. Kod nu piļsātas eju iz sātu, pa ceļam ir pļova, un tei ir muns īdvesmas olūts,” stōsta mōkslineica. Vēļ Agra Ritiņa ir Vaļsts Kulturkapitala fonda vizualōs mōkslas eksperte: “Maņ ir īspēja laseit ļūti daudzus mōkslas projektus, kurus īsnādz mōkslinīki, mōkslinīku apvīneibas, organizacijas,un redzēt, cik daudz ir mōkslas vērzīņu. Vysbyutiskōkais ir mōkslinīkam saprast pošam, kaidu ceļu jys īt. Un ja jys īt itū ceļu patīsi un nu sirds, tod tū var saukt par mōkslu.”
Aija MIKELE
Komentāri