Lyuk, kū Aloida Ikauniece pastōstēja: “Izlaseju, ka Lobōržu muiža beja sabombardēta. Tai nabeja. Sabombardēja Ruško mōju, nu tōs vīn akmiņu myuri ir palykuši. Bet Lobōržu muižā pēc Ūtrō pasaules kara beja 4-gadeigō skūla apmāram leidz 1952. godam. Pēc tam tī dzeivōja sovhoza strōdnīki. Tod ākai sōka jumts tecēt, i jei palyka tukša. Atmūdas godūs Lobōržu muižu gribēja atjaunōt Raitis Raibais, bet jam nikas naizgōja. Pi Lobōržu muižas beja vēļ ari kūka skūla, kurā vōcīši beja īreikōjuši štabu. Kod jī atsakōpēs, skūlu nūdadzynōja. Muna mōte nōk nu Sarkanim. Jai bērneibā stōsteja, ka nazyn kaida kara laikā eglē atroda ōdas maisu, kurā beja Sarkaņu Dīvmāmeņas svātbiļde.” Paļdis, ka pasadalejatēs atmiņōs!
Aija MIKELE-STRUŠELE
Komentāri