Lelu dorbu tolka paveice 1. septembrī Pūra īlā, kur slīnās grōmotu izdevēja Vladislava Lōča Rakstnīceibas muzeja jaunais korpuss. Ar lobu cylvāku atbolstu un Dīva paleigu noms jau zam jumta, bet mōja napacīteigi gaida lūgus un durovas. Pēc tāmes 43 tyukstūši eiro te vēļ jōīgulda, ja vīn labdari atsarostu. Bet molkas kraušonas tolka beja napīcīšama telpu, kur globojās muzeja arhiva materiali, apkurynōšonai. Kai pastōstēja fanatiskais muzeja saiminīks Pīters Lōcs, talcinīku sanōce dīzgon, un 20 kubikmetri kurynomō ir zam jumta. Paļdis visim, kuri paleidzēja, kuri atbaļstēja, kuri atnōce: V. Lōča fonda vaļdes prīkšsādātōjam H. Bernānam un pōrejīm aktivistim O. Seikstam, I. Pličam, A. Kūceņam, T. Bikovskim, skūlōtōjai I. Punānei un jōs dēleņam, daktereitei V. Ludbōržai, J. Viļumam u. c.! Paļdis molkas pīgōdōtōjim! Ja kaidam naizadeve dalikt sovu rūku šūreiz, nabādojit: Latgalīšu Rakstnīceibas muzejs Krōslovas īlā ari gaida molku un tolku. Vairōk par muzeju var uzzynōt
lopā
“Vladislava Lōča latgaļu rokstu muzejs”.
Anita GRAUDIŅA
Eduarda UTĀNA biļdes
Vladislava Lōča fondu var atbaļsteit ari finansiali. Nodibinājums “Vladislava Lōča fonds” Registracijas numurs — 40008270648; CITADELES banka, konta nr. LV25PARX0020513590001.
Komentāri