Mōras zeme

“TU VĪNMĀR LOBŌKS PALIKT SŌC”

Publicēts: 9. decembris 2022 Autors: Rēzeknes Vēstis Lasīšanas laiks: 1 min Komentāri (0)

Jau 17 godus Aglyunas vydusskūla reikoj skūlōtōjai un rakstneicai Naaizmērstulei (Rozālijai Tabinei) veļteitū jaunrades dorbu un ilustraciju konkursu Latgolas lauku skūlu audzēknim. Šūgoda konkursa tema ir “Tu vīnmār lobōks palikt sōc” (Naaizmērstule).

Daleibnīku uzdavums ir uzraksteit jebkura žanra jaunrades dorbu atbylstūši temai latvīšu voi latgalīšu volūdā, izavālūtīs dorbam sovu vērsrokstu. Dorba apjūms – leidz divom A4 formata lopom datorrokstā. Dorbi ir jōīsyuta

leidz 2023. goda 9. februaram

uz e-posta adresi:

[email protected],

nūrōdūt skūlāna vōrdu, uzvōrdu, klasi, skūlu un skūlōtōja konsultanta vōrdu, uzvōrdu. Kontakttōlrunis:

M. Pušņakova – 26446978.

Ilustracija konkursam jōuzzeimej uz A4 lopas (tehnika pēc izvēles) atbylstūši konkursa temai, ūtrā pusē nūrōdūt autoru, klasi, skūlu, skūlōtōju konsultantu. Ilustracijas originals jōsyuta pa postu (posta zeimūgs 09.02.2023.) uz adresi:

Daugavpils iela 6, Aglona, Preiļu novads, LV-5304,

vai pa tīšū dorbu vai aiznest uz Aglyunas vydusskūlas lītvedeibu. Lobōkūs dorbu autori tiks aicynōti uz apbalvōšonas konkursa nūslāgumu klōtīnē 2023. goda 9. martā.

Rēzeknes Vēstis RV.lv

← Atpakaļ uz sākumlapu