Vasala, Ceceit muna dōrgiņkō! Pi myusu Rāznē, myužeigs skaistums! Cikom pasaulē visi ap tom vakceinōm steivejās: kuras der, kuras nader, kuras jimt, kuras najimt, kam dūrt, kam nadūrt, nu kō pērkt un nu kō napērkt, eista figļa migļa vōrejās. A pi myusu Rāznē, myužeigs skaistums! Cyts metods izgudrōts, kai tū krūņa vērsi nūgiut. Zose soka, vyss genialais ir cīši prosts. Pazar biļdēs. Mekanisks leidzeklis, nikaidas kimejas. Šur tur pa Rāzni rozlykti kapkani aba cylpas voi slozdi. Sauc kai gribi. Itys vīns kapkans iz Latgolas prominades paneļa jau godi divi gaida sova upera. Laikam Glōba pareģōjs, gudrejās Zose. Mekanisks leidzeklis i nikaidas kimejas. A vēļ vīnu kapkanu, myužeigs skaistums, kūkā īraudzējom. Itei “renovōceja” moš i pi elektreibas daslāgta. Tai ka krūņa vēršam kajuks byus ar vīnu spērīni, kod jys te pasajōveis. I mes byusim glōbti!
Plōciņu Mase
18.03.2021.
P. S. Myužeigs skaistums! Ka tik kaids vjāpla nasadūmoj tymōs šļaukōs krōsainu metalu meklēt. Aizīs pi Dīva bez komōšonōs i bez krūņa vērša štempeles. Pl. M.
Komentāri